’پيرل‘ پياسي: پير محمد عرف ’پيرل‘ پياسي ولد محمد حسين هولائي، ڳوٺ ميرپور ساڪري، ضلعي ٺٽي ۾ 1925ع ڌاري پيدا ٿيو. سنڌي فائنل سان گڏ ٿوري عربي ۽ فارسي تعليم حاصل ڪيائين. روينيو کاتي ۾ قابل تپيدار شمار ڪيو ويندو هو. ضلعي ٺٽي جي تپيدار ايسوسيئيشن جو جنرل سيڪريٽري به ٿي رهيو. ريڊئي پاڪستان حيدرآباد جو ابتدا کان وٺي شاعر رهيو، سندس ڪلام ”گراموفون ڪمپني ڪراچيءَ“ طرفان رڪارڊ ٿي، ملڪ ۾ ڪافي مقبوليت حاصل ڪري چڪا آهن. سندس شاعريءَ جو گهڻو ڪري رجحان ڪافيءَ ڏانهن هو، ان ڪري عوام ۾ کيس ڪافي مقبوليت حاصل هئي. هو ساڳئي وقت ’بزمِ ادب‘ ميرپورساڪري جو صدر به ٿي رهيو آهي. ٺٽي جي مشهور استاد شاعر سيد زمان شاهه ’ساقيءَ‘ جو ڪلام گڏ ڪري ڇپايائين. تاريخ 4 فيبروري 1981ع تي وفات ڪيائين.
1925.00.00 عيسوي
پيرل پياسي 1925ع ڌاري ٺٽي ۾ پيدا ٿيو
1981.02.04 عيسوي
پيرل پياسي 4 فيبروري 1981ع تي وفات ڪيائين